Agli stabiesi e agli amici in Florida

Agli stabiesi in Florida

Torna settembre a chiagnere

p’’a troppa nustalgia

c’appriesso me purtaie.

Partette 'e chistu mese

e mò ‘miez’a tempesta

me trovo e astregno ‘e diente.

Nun pozzo dì nu juorno

ca stongo meglio ‘e ll’ate

e quanno ‘o ciuccio arraglia

è ca me manca ‘a paglia.

Primma na buscia

cchiù se puteva dicere

mo ch’è addeventato

tantu cchiù piccerillo

chistu munno

si vaie a funno

‘o sanno tutte quante.

Na cosa sulamente ve prumette

c’appena ‘o tiempo se mette

cu ‘a capa apposta

faccio nu telegramma

Ve manno nu saluto

a tutte quante.

Nun chiagno !

E’ o viento ca me ‘nfonna ‘a faccia

portanno ll’onne ‘nterra.

Ogge me pare a guerra n’ata vota,

ma che v’’e ddico a fà ?.

Ce penza chi ce adda penzà

a farme sta cu ‘e piede ancora ‘nterra.

Vulevo fa pur’io l’americano

ma tengo sempe ‘o core

ch‘é napulitano

ca quanno ‘o tiempo è bello se ne fotte

ma quanno è maletiempo

comme ogge ‘o votte se ne more

nun vede ll’ora

ca torna ‘o sole ‘ncielo,

nu juorno ‘e primmavera

ca senza offenne

quann’è a bella jurnata

se campa overamente

e  cu ‘e solde mmane.

                                                  Gioacchino Ruocco

                                                            Ostia Lido  13.09.017

Spero di sentire la voce di qualcuno di loro. Lo spero vivamente. Ho tanti amici di Castellammare e non a Tampa, a Orlando......... Date Vostre notizie.