Nun c’è sparagno...

Consegna della carne a Napoli ecc.

Nun c’è sparagno

Nun c’è sparagno.

Ormaie chi è muorto,

ma è ancora vivo

appena sta ‘nt’’o stuorto

‘o fanno fore

facennelo ‘o festino.

Chille ca so chiagnano

‘o sanno ca se more

facenno ‘a vita 'e mmerda

ca fanno ‘a che so nate.

Ma nun è ‘core lloro

ca vò na vita lorda.

‘E vvote chi so’ scorda

e scrive ‘a fore ‘o rigo

è meglio ca se sbriga

a fare na scusanza

c’’o male ‘e panza

porta ‘a cacarella.

Haie voglia ‘e jì d’’o miedeco.

‘A cura è vasà ‘a mano

a chi te dà nu schiaffo

speranno ca dimane

nun se ripete ‘o fatto

si no si contraffatto.

E allora primmo ‘o doppo

te fanno sentì ‘o schiuoppo,

ma nun se so’ sbagliato

pecchè ‘a vota appriesso

te fanno fore ‘a capa

ca nun è bbona, essa.

Na vota t’’o pperdoneno

ma ‘a siconda no,

si no ‘o cumanno

se mette a stenne ‘e panne

mette ‘a culata ‘o sole

o secca  pummarole.

Paveno tutte quante,

pure chi cumanna,

quanno si smonta ‘a panna

e ‘o tiempo nun è bbuono.

S’arriva a Sant’Antuono

ed è fernuto ‘o fatto.

Gioacchino Ruocco

10.07.018   Ostia Lido