Io t’aspettavo ‘e nnove,

Io t’aspettavo ‘e nnove,

ma ‘e  nnove so’ passate

‘a tantu tiempo,

nu tiempo ca nun saccio

cchiù quant’è.

Si pure torno

nun te trovo cchiù.

Manco sta vota

c'’o cielo

s'è fatto ancora blu.

A Onna

quanno aonna ‘o maletiempo

cu ‘e piere dint’’o zanchero

se fa cchiù triste ‘o cielo

cu ‘e ccase attuorno

scheletre sempe cchiù scunzulate,

malincunia ‘e na vita

passata ormaie senza pietà,

ricorde ca turnanno fanno male.

nun sulo a me

e a chi nun trova pace,

a chi nun è capace

e mettere nu punto

e turnà a ccapo.

Gioacchino Ruocco

Ostia Lido       03/08/2015

Inserita nella raccolta “Forever”