Quanno me soso...

…

Quanno me soso

pe me è sempe

na jurnata nova,

senza penziere

ca parlano d’aiere,

'o bbene ca te voglio

parla ‘e ogge.

Te guardo cu uocchie

ca te vonno bbene

e po' chello ca vene vene

pecche si tu ca cunte

e ca me conte

‘e ppene si ne tiene,

ca me rispunne redenno

pure cu ll’uocchie triste,

scurdanneto ‘e chello

ch’è succieso

‘e chello ca c’è stato

e chi s’è visto.

Pane cu ppane !

Si tu me daje nu vaso

mangiammo pure ogge

e chi ce allogge allogge

pe chillo ca so’ amice

o nun ‘o ssongo.

Io stongo affianco a te

pure si torno a na semmane fore.

Stu core

nun te lassa nu mumento

senza guardarte nfaccia

dint’a llu’uocchie

pe dirte ‘a verità,

chello ca sento.

Gioacchino Ruocco

2015/08//10

Inserita nella raccolta “Ogge o dimane”