E tu…?

‘O viento ca me scioscia ‘a reto

arreto nun me fa certo turnà,

ma si ‘un esco  '’e casa

e sto cuieto p’’e fatte mie

dicenno ‘e cose ‘e Dio

saie che guaragno?!

Me trovo nu spargano dint’’a sacca

ca po’ nun saccio che ce pozzo fà.

Nun è tiempo ‘e gelate o franfellicche.

‘A feste vene quase ‘a primmavera

e po’ a maggio

cu ‘e bancarelle attuorno pe nu sfizio.

‘E feste  so comme a na sterlizzia

ca fà arrecrià rignenno ‘o core

e l’uocchie ‘’e cose doce.

Si nun ce fosse ammore,

l’avessemo crià.

Se spaparanza ‘o core

parlanno ‘e cose belle.

Me sento cchiù liggiero

comme tenesse ‘e scelle.

Turnà arreto ormaie nun è cchiù cosa.

Avesseme parlà ‘e tanta cose

c’ormaie songo passate.

Songo ricordo ca ‘un m’arricorde cchiù !

E tu….che t’arricuorde tu….?

Gioacchino Ruocco

11.12.016                         Ostia Lido