‘O paisano mio... (Raffaele Viviani )

‘O paisano mio quanne screveva

parlava sempe d’’a fatica ‘e ll’ate.

D’’a soia ca pure lle piaceve

nun ne parlava maie.

Na storia ‘e nu guaglione:

ca cu na capa a schiovere

faceva cose ‘e pazze.

e se mureve ‘e famma. 

‘A scola s’’a scordava

jucanne ‘e fiurelle,

pe sta ‘nzieme cu ll’ate

pe pazzià ‘o strummulo

e ‘o juoco d’’e formelle.

M’a dudece anne

mettette ’a capa a pposta

e cu na faccia tosta

“pigliaie nu sillabario”

e se “mettette a correre

cu a, e, i, o, u.”

tante c’addeventaie

cchiù ‘e chello ca vuleva.

Sta statua ‘nmize a villa

tene na faccia storta

ma ll’uocchie ‘e nu guaglione

ca quanno vede ‘e correre

appriesso a nu pallone

lasciasse vuluntiere

almeno pe nu mumento

e fa ‘a perzona seria

‘ncopp’a stu monumento

pe s’jì a vuttà a mmare

cu tutte ’e panne

“ca ‘ncuollo s’asciuttavano”;

pecchè, mò, nu malanne

che male le po fà ?

Pe riturnà comm’era

“c’arteteca e cu ‘ foia”

e pe s’arrefriscà

pe tutte chistu cavero

ca 'e chiste juorne fa.

G. Ruocco         

14/09/2011 Ostia Lido
Inserita nella raccolta "Ce steva na vota"