Diebbete ‘ncopp’a diebbete
n’avimmo fatte tante,
ma mò nun è cchiù cosa
ca manco ‘e sante
te fanno ascì nu terno.
E chi te fa crerenza ?
‘O meglio ormaie sta senza,
dice ca nun è ccosa.
Passa dimane, forse
e me so’ rrotte ‘e ccosse
a fa stu saglio e scinno
a sentere prumesse
ca so’ na perza ‘e tiempo.
Campanno a stiento
se sta meglio ‘nzalute.
Me pare nu palicco
‘a quanno facci’ ‘a dieta
e cchiù’e una arreto
s’è ggirata pe me guardà.
Mica me so’ sciupato ?
Chi ‘o ddice è in malafede
si quanno me vede
all’uocchie suie nun crede
c’ormaie so’ nu speniello
e facci mmiria ‘e ggiuvene.
Si nun dicesse ll’anne
guaglione a centenare
tenesse attuorno a me.
Sta cura dimagrante
fa bbene a te e a mme.
Gioacchino Ruocco
Ostia Lido 13/12/2014
Nessun commento:
Posta un commento