Tu si n’ata cosa…

Pecché te miette a chiagnere

e vvote ‘nn ‘o capisco.

‘O nniro nun te tegna,

m’’a faccia se fa triste

e me rattriste ‘o core

ca nun te vo’ vedè

‘e sta manera.

‘E vvote scagne ‘a sera

p’’a matina,

te faie criatura

invece ‘e signurina

cu ‘e guaglinciello appriesse

cu ‘a vocca chiena ‘e chiacchiere

e ll’uocchie ca t’arrobbeno

comme a nu murziello.

Sapuritella si’,

si troppo bella

e crisce o te rencrisce

comme ‘e sciure

ca quanno ce stà ‘o sole

rireno e prufumano

attuorno ogne ccosa.

‘E rrose so’ nu sfizio,

tu si n’ata cosa,

si tennera, si ddoce.

ca si te guardo

sicuro faccio tardo,

sicuro me n’aiesco

c’’a capa assie cchiù fresca

cu na resella

ca faccio mmiria all’ate

e a Ddio ca t’ha criata..

Gioacchino Ruocco

Ostia lido        02/12/2014

Inserita nella raccolta “Frunnelle pazzarelle”