Na tazza ‘e zucchero

Na tazza ‘e zucchero

Na tazza ‘e zucchero

è stata sta jurnata

che s’è scetata

c’‘a vertecena deritta.

‘O tiempo s’era sfugato aiere.

Chi sa quale penziere teneva

pe fà ‘e muntagne janche

e ‘a ggente tanta stanca

ca s’addurmeva all’erta

c’’o friddo all’impruvviso

ca se sfullajne ‘e vie dint’a poco

senza tenè requie pe nisciuno.

Ogge ‘o cielo teneva nu surriso

comme a nu guagliunciello

superchiuso e sfruntatiello

levanneme ‘o cappiello appena miso.

Si l’evo corre appriesso

chi sa addo ‘o truvavo

si justo ‘un l’ acchiappavo

all’urdemo mumento.

Comme se sfezzea ‘o viento

ll’acqua nun ‘o fà

Te ‘nfonne e nun te pava,

ma nun è na culata

ca spanno e miette ‘o sole

e te fa dì parole

ca nun vulisse dicere,

ca si ‘un te cagne ambresse

‘o ppavo c’’o nteresse

‘o bagno ca t’e fatto.

Te mette dint’’o lietto

fino a c’arriva ‘o sfratto.

Ogge però è stata

na jurnata ‘e zucchero

nu zucchero ca pure tu è tenuto

senza te scunfirà ch’è nu minuto.

Gioacchino Ruocco

Ostia Lido       15.02.018