Quanno zulfigge ‘a museca
ancora me sta bbene
ma si zulfigge a chiacchiere
nun te voglio sentì
neppure pe me dicere
c’ancora me vò bbene.
Rischie ‘e stutà stu ffuoco
c’ancora ncuollo vene.
Si tu nun tiene tatte
nun ce venì pe titte
a me cercà matina
senz’a na mericina,
si no dint’’a jurnata
m’ammosce tutta quanta
e po’ me tocca ‘e sante
pregà a uno a uno.
Acchiappeme ‘int’’o ddoce
c’’o purpo po’ se coce
dint’’a ll’acqua soia
facennese cchiù tiennere,
e cchiù cunsulatorio
‘e tutt’’o purgatorio
ca parte ‘a dinto fuoco
e porta mparaviso.
Gioacchino Ruocco
Ostia Lido 25/05/2014
Inserita nella raccolta "Nu juorno comme a n’ato"
Nessun commento:
Posta un commento