Si ogne vvote…

Si ogne vvote ca uno te lassa

tu t’’a piglia ancora cu me,

che vo’ di ca nun t’è passato

‘o penziero ‘e quann’ire cu me?

Eppure è juto dicenno

ca cu me nun sarriste turnata

maie e po’ maie

spieganno a ognuna ‘o pecchè

ca passanno ‘int’’o vico addò staie

ce stanno uocchie ca me guardeno stuorto

ca si pure ‘e priasse

'o miraculo a me ‘un ‘o fanno.

Tu m’è acciso,

ma ogne tanto me scave

e me miette mmano na chiave

c’arapesse ogne pporta addo staie.

Si ogne vvota ca uno te lassa

tu me disse ‘o bbene che voglio

i’ lasciasse ogne ‘mbruoglio, ogne ccosa

ca nun te sta bbona.

Ma tu cirche sultanto refrisco

e io ‘o sisco ‘e chiammata ‘nn ‘o sento.

Meglio sulo, ca me godo ‘o mumento

ca sulagno me porte p’’e vie ‘campagna

addò ‘o frisco nun manca,

addò ‘a gente si canta ‘

a canzone d’’o core

nun soffre e nun more.

Gioacchino Ruocco

Ostia Lido       15/05/2014
Inserita nella raccolta "Nu juorno comme a n’ato"