A durece anne…

Acqua della Madonna

Io scrivo e scrivo

ma nun me scordo ‘e te.

Me pare aiere

ca tu stive cu mme.

‘O primm’ammore

nun se scorda maie,

ma ch’era ammore

nun l’aggio maie saputo.

Io ce penzavo

ch’ero cannaruto:

nu vaso a te vulevo

e nun ce fuie.

Si m’azzeccavo a te,

te ne fuive.

Sempe a nu passo

e mai na carezza.

Tu nun vulive.

Nun ire ancora pronta.

Simme guagliune

‘e vvote me dicive.

Se cagne idea

ciente vote ‘o juorno.

Veneno vote

ca ‘un te supporto proprio.

E cchiacchiere

n’avimmo fatte tante

c’ancora e ancora

nuie stessemo a parlà.

L’ammore,

ma qua ammore  ?

A durece anne

c’è tiempo ancora.

E ‘a villa

a nnanze  e arrete

ciente vote

senza cagnà mutivo.

Pareva c’’o tenivo

già bello e fatto

e io te venevo appriesso

comme a nu matto

ca nun sape

chello c’adda fa.

A dudece anne

chiste so’ ‘e fatte.

Ma quale ammore ?

Nuie stevemo a pazzià!

Sulo accussì

me pozzo rassignà,

si no quanno te veco

ce soffro ancora

e ‘o core

ritorna a sparpetià.

Gioacchino Ruocco                                                                              

Ostia lido     19/06/2014  

Inserita nella raccolta "Nu juorno comme a n'ato"         

Panorama dalla Funivia

Per le foto si ringraziano i collezionisti e gli altri siti o blog.