Aiere ... 'o juorno 'e festa

Aiere… 'o juorno ‘e festa…

E, fore, ogge manco nu remmore.

Pare c’’o munnno è riturnato a casa.

E ccose n’ata vota ‘o posto lloro

ll’auciello ‘ncopp’a ll’albere

‘e furmiche ancora a carrià

qualche mullica

e ‘o cielo senza nuvele

ca ogne quarterora

pare vulesse chiovere

e tuone in quantità.

E po’ ‘a ggente

comme a ll’auciello pazze

a jì a nnanze e arreto.

Pareva ‘o mese ‘e marzo.

Uno cuieto nun ce steva proprio.

Nu terremoto

sembrava aiere attuorno
 'o juorno ‘e festa…

Gioacchino Ruocco