Rassumiglianze

Ch’ire figlio ‘e pateto

l’avevo già capito,

pecchè chi è ffiglio ‘a mammeta

nun è maie sapurito.

Tu tiene ‘e vizie suie

E ll’arte ‘e mmane,

chill’ate so’ cchiù semplice

aspettano ‘a semmana

ca mammeta pripara

c’’o sparagno

c’ogne guaglione

porta dint’’a casa

facenno nu servizio,

dannele na mano

e ‘a fine d’’a semmana

le fa na regalia.

Tu invece staie

sempe nmiez’’a via

pe prucurà ‘a fatica

c’ancora nun t’abbasta.

E vvote ‘e figlie frijano

‘e vvote fanno ‘e furbe,

m’ancora si nu chiummo

ca rischia ‘e ji a funno

Tu rassumiglie ‘a ppateto,

ma p’’o rassomiglià

ce vonno furne ‘e pane

c’ancora t’è mangià.

‘O tieno ‘o professore,

ma si nun vaie a scola

rieste c''o rassomiglio

sulo pecchè si ‘o figlio.

Gioacchino Ruocco

Ostia Lido             05/06/2014

Inserita nella raccolta “ Tipi…ma quanti tipi”