Quann’io t’aspetto

Quann’io t’aspetto

‘o tiempo passa ‘e na manera strana.

Nu juorno pare comme a na semmana

e n’ora comm’a n’eternità.

Nun pozzo dicere ca songo puntuale

ch’’e vvote ‘a ggente fa tale ammunina

ca pure ‘o vico appriesso s’alluntana

e songo quatte passe c'aggia fà.

Sarrà ll’ammore a fa stu scherzo strano,

ma 'o fatto è ca sta rota

gia s’è sgunfiato nu centenare ‘e vote

e p’’a cagnà ce vo’ cchiu tiempo ancora.

E tu, tu che me dice

ca ‘e stu ritardo ‘e vvote si felice ?

E’ overo ca staie ancora ‘o quarto piano

ma nun ce vo’ mica na semmana

pe scennere e pe farce quatte passe.

Arrive già distrutta a chisti tacche

ca so sicure ca quanno saglie ‘e lieve.

Si aggia aspettà aspetto,

intanto appiccio n’ata sigaretta,

m’assetto nnant’’o  bbarre e sto a llicchetto

speranno ‘e nun fa notte

si no nn’avasta cchiù tutt’’o pacchetto.

Gioacchino Ruocco

Ostia lido 30/06/2014

                                          Inserita nella raccolta “Nu juorno  comme a n’ato”