Che te ne vuo’ jì a Erchie, ‘o mare ?

Che te ne vuo’ jì a Erchie,

‘o mare,

ma po’ si se n’addone

Marechiaro

comme ‘a mettimmo a nnomme

sta canzone ?

‘E pisce fanno ammore

a tutte parte

e quanno sponta ‘a luna

si vuò t’’a canto

ca ll’uocchie tuoie

me parene ddoie stelle

sott’a stu cielo ardente

‘e primmavera.

Jettate a mmare,

levate ‘a vunnella

ca vengo appriesso a te,

si troppo bella,

ca stongo ascenno pazzo

sott’a stu cielo ‘e marzo.

Gioacchino Ruocco

Ostia Lido          07/06/2014

Inserita nella raccolta “Nu juorno comme a n’ato”