Quanno nun tengo famme
me guardo ‘e cose
ca me stanno a ‘nnanze.
o attuorno attuorno
e nun me piglio scuorno
ca invece ‘e m’’a mangià
'e sta mela rossa
ne sto facenno quatre
pe fà dimane
ca m’’a guardo ancora
p’’a gioia ca me dà
chistu mumento
che me porta a fà
n’atu mestiere
ca nun è ‘o mio.
Quanta è curiosa ‘a vita!
M’immaggino accussì
nu munno nuovo
e ‘o chiuvo addo appennerlo
pe m’’o guardà
quanno te scrivo ‘e penzo
a chello c’aggia fà
pe regnere ‘a crerenza,
pe farme nu penziero
cchiù tranquillo
‘e chistu munno ca me trovo attuorno.
Me mette annanze tante ‘e chelli
cose
ca i’ nun riposo cchiù
manco quanno ‘o cielo è scuro
quanno ‘o sole tramonta
e se ne va a fa nu juorno nuovo
a n’ata parte d’’o munno.
Gioacchino Ruocco
27.05.017 h. 06.00 Ostia
lido
Nessun commento:
Posta un commento