Pecchè? Pecchè ? Pecché

Pecchè? Pecchè ? Pecché

Pecchè? Pecchè ? Pecché

m’avesse rassignà

se almeno n’atu juorno

tengo ‘a campà

e pozzo fa zumpà

‘o munno all’aria

o essere cuntento

comme mai’ è  stato ?

Pecchè, pecchè ?

Si chistu fosse ll’urdemo

pe me n’eternità

sarria ‘o stesso

pe te cunzulà

pe darte n’atu vaso

o p’arraqua nu sciore

ca fore ‘o sole

sta murenno ‘e sete

cchiù ‘e me

ca cu nu vaso

me spegno a poco poco

stutannese stu ffuoco

‘mmocca a te

comme si fosse zucchero

‘o mele ‘e mandarino

‘a voce ‘e stu ciardino.

ca nun me vo’ lassà

e me ‘ntalea

mo cu nu mierolo

e mò c’’o rosmarino,

c’addore ‘e arancio

ca fa felice st’aria

nterra Surriento,

abbasci’a sta marina

addò na serenata

fa ‘o mare a tutte 'e femmene

pe le sceppà ‘a cuollo

‘o suttanino

ca ogge pare estate

e ammore sopraffino ?

Gioaccino Ruocco

23.05.017   ostia Lido