‘A sufferenza

‘A saccio, ma ‘un ‘a capisco.

Avessemo gudè ‘e chesta vita

e invece stamme a chiagnere ogne juorno.

Me levo ‘a tuorno

ma tu chiagne ancora.

Ma quanto tiene ‘a chiagnere pe mme

ca ogne duie minuto

nun te lassave ‘mpace,

ca nun capisco, nun me faccio capace ?

Che t’aggi fatto

ca nun vuò fa pace

e te rispiere pure si me pierde ?

Io songo ‘a sempe

n’auciello sulitario

ca ogne tanto vo’ sta p’’e fatte suie,

tu invece sempe azzicco

tutte ‘e dduie

comma a na cosa sola ancora e sempe.

E lassame almeno nu mumento

senza chiagnere

p’’a ggioia ca me sento dinto ‘e vvene!

Che te ne vene a te ?

Sultanto gioia.

Tu invece t’è ridotta a essere na noia.

Gioacchino Ruocco

Ostia Lido 30/08/2014

Inserita nella raccolta        “Nu juorno comme a n’ato”