Via Cannavale
Saglienno pe sta via ‘o core mpietto
s’astregna cchiù d’’a via
dint’’a ll’ombre ca fanno ‘e piante ‘e fiche,
chelle ‘e limone
e chelle ‘e legna sante.
‘O sciato canta
e s’arrevote ‘o sango
ca piglia e afferra ‘o core
comme a na pazzia
e ncielo se n’’o porta
pe ll’allegria ‘e ll’aria
ca se fa fresca e fina.
‘E primma matina
aggio perduta ll’anema
dint’’e forre
‘e tutte sti ciardine
ca canteno nziem’a ll’aucielle
‘a gioia ‘e chistu paraviso che s’annaria
dint’’o cielo
ca sape sule ‘e primavera.
Luntano ‘o mare
nun me pare overo
tanto è suttile
l’azzurro acquamarina.
Me pare na vetrina
c’’o rieste d’’o munno
ca se joca ‘a vita.
Gioacchino Ruocco
01/08/2013
Inserita nella raccolta "Ce steve na vota"
Nessun commento:
Posta un commento