Ammore mio carnale

Nu juorno che nun è dimane

chi sa si torna ancora primmavera

e tu cu ‘e mmane chiene

‘e tantu bbene ‘e Ddio,

chiene ‘e ll’ammore tuio

ca ogge me staie danne

e ca ‘a anne me daie

senza pentimento?

Te tengo mente ‘e vvote

guardannate a ‘nnascuso

comm’era ll’uso ‘e na vota

senza ‘a sfrontatezza

‘e chisti juorne

ca stannete attuorno

‘e vvote me piglia.

Me sento comme

a nu figlio ‘e famiglia,

comme a na gioia

che t’è sfiuta ‘a mano

e te guarde ‘a luntano

c’’o desiderio

‘e riturnà dda tte.

Ammore mio carnale

ca dint’a carne

ancora me si vive,

te piglio e te ne porte

nziem’a me

comme a na reliquia

ogne vota ca esco,

comme a nu refrisco,

na malatia

ca me riporta a te.

Gioacchino Ruocco

Ostia lido            29/08/2014     

Raccolta  “Nu juorno comme a n’ato”