'E biscotte 'e Castiellammare...
Tantu luntano
eppure sento addore
‘e sti biscotte
‘e Castiellammare,
d’’o mare
ca me corre appriesso
e ll’aria
‘e dint’a villa
ca m’arricorda ‘e juorne
ca te venevo arreto,
ll’acqua d’’a Madonna,
‘e San Vicienzo
ca c’’o cedrato
pe tte era nu sfizio
e te prudeva ‘o naso.
Nun è pe ccaso
ca te si scurdata
o so’ sul’io
ca m’arricordo ancora
‘o Corso, ‘a ggente, ‘e chiacchiere,
chello ca me facive ?
E m’’o facive apposta
c’’a ogne ripartenza
‘o pacco cu ‘e biscotte
nun ce mancave maie.
Quanno t’’e mange, pienzeme !
E io te penzo ancora.
T’aggio penzato tanto
ca nun ce stà cchiù n’ora
senza ca penzo a te.
E si ne scrive ‘o faccio
sule pecchè so’ buone
o pecchè stanno luntano
ne sento ancora addore ?
Gioacchino Ruocco
1960/2011
Inserita nella raccolta "Ce steva na vota"
‘o Corso, ‘a ggente, ‘e chiacchiere,
chello ca me facive ?
E m’’o facive apposta
c’’a ogne ripartenza
‘o pacco cu ‘e biscotte
nun ce mancave maie.
Quanno t’’e mange, pienzeme !
E io te penzo ancora.
T’aggio penzato tanto
ca nun ce stà cchiù n’ora
senza ca penzo a te.
E si ne scrive ‘o faccio
sule pecchè so’ buone
o pecchè stanno luntano
ne sento ancora addore ?
Gioacchino Ruocco
1960/2011
Inserita nella raccolta "Ce steva na vota"
 |
| Maresca Biscottificio - Via Campo di mole 2 |
 |
| Cascone Biscottificio - Via Bonito |
Nessun commento:
Posta un commento