Fino a quanno ll'evere é verde …

Fino a quanno ll'evere é verde …

E nun se secca ‘o sciore

Stammore nuosto è na rosa ‘e maggio.

Ma qua’ buscie vaie cercanno ‘a me ?

Nun tengo a mettere nu manifesto

ma ogne parola ca d’ammore parla

io t’’a porta sotto a sta fenesta

comme a na serenata rara.

‘E chiacchiere ca sento

so sulo nu turmiento

ca danno chillo

ca nun hanno pace.

Cu tte io voglio spatere

ognu mumento e’ chesta vita

ca comme ‘o vvrito brilla

sotto a nu raggio ‘e sole.

E ncopp’’e mure ‘e case

ormaie già se senteno

ll’arille cantà a mille a mille

ma io ca so’ furmica

vaco cercanno ammore ngiro ingiro

pe fa nu vierno doce

e cu na scorza ‘e noce

penzà e jì pe mmare

fino a c’’o sole coce,

pure senza denaro

ma cu stu core chino

e addore ‘e mandarino.

Gioacchino Ruocco

Ostia lido      31/08/2014

Inserita nella raccolta “Fino a quanno ll'evere é verde …”