‘A porta è sempe aperta…

Me staie levanno ‘a tuorno

na curtellata ‘o juorno

o cu parole ca nun danno pace.

Ormaie si capace

tu pure ‘e fa suffrì

comme a tant’ata ggente

ca nun è malamente

ma ‘o sfizio ‘e na parola,

‘e nu turmiento doce

s’’o fa passà

quanno le pare e piace.

Nun è sulo ‘o putento

o ll’ommo malamente

ca fanno male all’ate

pe fa chello ca vonno.

‘O paraviso è chino

‘e ggente ch’è pentuta

e ca s’è fatta belle

levanneme ‘a salute.

Tu saie ‘e fatte tuje,

i’ saccio ‘e fatte mie.

A pparte ‘e ccose ‘e Ddio

nun jammo maie d’accordo,

però tu nun m’è accidere

pe te levà ‘o ricordo

‘e na jurnata storta.

‘A porta è sempe aperta…

Gioacchino Ruocco

Ostia lido             22/09/2014