Si nun me vuò cchiù bbene

Che t’aggia dì ?

Si nun me vuò cchiù bbene,

lassame perde

e ognuno p’’a via soia.

Però nun fa dimane

c’accummienece e dice:

-Scusame sa ca senze ‘e te

i’ nun ce ‘a faccio a stà.

Restamme almeno amice.

Amice ?

Nu simme jatte e cane

e qualche vvote

aize pure ‘e mmane !

Amice ?

Si è pe parta mia

truovete a n’ato.

Dimane

nun te voglio sentì cchiù.

‘A quanno te canosco

na guerra appriessa a n’ata.

e na jurnata ‘e pace

quanno maie!

Ca me vuò bbene assaie

‘o dice tu.

Chi te canosce m’ha ditto,

so’ stato furtunato.

E cagnà via appena sento addore.

ma int’a stu vico

addò io songo nato

si nnata pure tu.

Chi se ne va?

Facimme ‘e turne

oppure faccio ‘a posta

quanno tu aiesce ?

I resto a casa

e tuvaie cammenanno

o piglio ‘e vute

e resto chiuso n’anno

fino a ca tu nun truovo

chi te mpenne.

Gioacchino Ruocco

Ostia lido    14/09/2014