‘O munno se ne cade

‘O munno se ne cade,

Castiellammare pure

e chisto ancora guardano

‘e mmure appese

ca fanno na paura

sulo a dé guardà.

‘E gguardano

penzanno c’hanna fà

speranno c’’a pacienza

e chi sta dint’’e ccase

‘e tene ancora allerte

ancora pe nu poco ?

Quanno sarrà ‘a vota

c’’a pua pua fernesce?

Quanno sarrà

ca chistu munno cresce?

Quanno sarrà ca sta ggente

fernesce e avè paura

e torna pe sti vie

sultanto pe campà

‘a vita c’hanno avuto

ca nun è nu tavuto

a ogne angolo ‘e sta via ?

Dicesse e cosi sia

però ce vo’ cchiù forza

si no so’ invite ‘a nozze

pe sta ggente ca vene

e sicure nun mantene

manco nu poco

‘e chello c’ate fatto.

Chi vene senza core

sapenno ca nun more

starrà luntano.

Dimane quanno torna

so chiacchiere, mezzune

ca nun voglio cchiù fumà.

Avite fatto tanto

ca ve farranno sante

dint’’a sta cchiesa affianco

ca già ve dà arricietto

comme a nu paraviso

ca chi s‘aspetta…'o spetta.

Gioacchino Ruocco

Ostia Lido         17/09/2014

Inserita nella raccolta “Ce steva na vota…”

Consigliere Regionale della Campania del Mov. 5 stelle che guarda e pensa