Si ‘o tiempo ca me resta ancora
é n’avemmaria ca me dà pace
sarria capace ‘e chiagnere perdennemo
dint’a nu suspiro ‘e sera tarda.
Truvarria finalmente ‘a gioia ca
me manca ‘a quann’ero
guaglione,
‘e quanno
accumminciaie a scrivere
canzone pe tanta guagliuncelle.
Quanno se more o sta arrevanno ‘o juorno
te guarde attuorno cu malincunia
ca si t’acchiappa ‘un ‘a risuolve cchiù.
‘A vita è belle, ma pare na pazzia
e nun capisco che va truvanno a nuie.
Si stammo core a core pecchè fuie
e quanno è arraggia dura tantu tiempo ?
Mannaggia a me ca me so’ perzo ll’ore
cchiù belle via via, strada facenno
e ogge nun m’arrenno, nun ne voglio…
Dimane dint’’o suonno forse forse
ma si ce penzo me fanno male ‘e ccosse.
Gioacchino Ruocco
Ostia Lido 27/05/2015
Inserita nella raccolta “Ce steva na vota”
Nessun commento:
Posta un commento