‘E vvote ‘o silenzio è nicessario.....

‘E vvote ‘o silenzio è nicessario

‘E vvote ‘o silenzio è nicessario

pure si ‘o core vò strillà cchiù forte

cu tutt’’o sciato ca se sente ‘ncuorpo.
Guardanntete ‘int’a ll’uocchie

m’aggio truvato addò vulevo stà

dint’e bracce toje pe te putè tuccà

addò vulevo io, addò vulive tu

‘a vocca, ‘e bracce, l’uocchie,

‘a faccia, ‘o cuollo

e addò tu tiene ‘o muollo

cchiù doce ca ce stà

a che stu munno è nato.

Tuccarte pe te truvà overo,

pe nun sunnà a essere sincero

penzanno ‘e te tenè

comme se tene astritto

chello ca nun vuò perde,

quanno ‘o verde ch’è  friddo

se fa cucente e coce,

t’abbruce ‘e chiocche, ‘ a voce,

‘o core e pare ca murenno

stongo sunnanno sulo

eternamente.

Te dico vienetenne e sto sperenno

pecchè venenno

saccio ca te sto perdenno

comme dint’a nu suonno

addo io nun m’arrenno

e corro, corro, corro

comme si fosse eterno

‘o Rettifilio ca io sto facenno

senza putè arrevà

addò taggio ‘ncuntrata

e dint’e braccie mie

t’aggio pigliata.

Che suonno fosse

si overo fosse suonno,

pure si è overo

e stento a crerere

ca è overo, è overo, è overo.

Gioacchino Ruocco.

04.01.018   Ostia Lido