Quanno ‘o tiempo avanza…

Quanno ‘o tiempo avanza…

E mentre l’aglio cresce

‘e ppiante ‘e pummarole so’ seccate

restanno pe ricordo dint’’o vaso

‘e na staggione ch’è passate

mangianneno ‘nzalate tutt’’e juorne.

E n’aggio fatte piennele

pure ‘e chelle verde

ca sempe so’ na gioia dint’’o piatto

cu na foglia ‘e scarole

ca s’accumpagna bbona

pure cu ‘e patane scaurate.

D’’e puparuole,

ch’è rimasta ‘a pianta,

sperammo ca se fanno

verè ancora

c’’o russo, ‘o giallo e ‘o verde

p''e papace

ca stu terrazzo pare

overo nu ciardino.

Ll’unica è ‘a pianta ‘e mandarine

ca stenta ancora a crescere.

Invece ‘o petrusino

se fa cchiù tuosto

assaje cchiù verde.

Me tene cumpagnia

dannemo ‘a speranza

ca quanno ‘o tiempo avanza

saccio che n’aggia fà.

Gioacchino Ruocco

Ostua Lido 06.01.2018