Nu piezzo ‘e paraviso…

Seiano - SS.Sorrentina

Nu piezzo ‘e paraviso…

'O cielo nu piezzo ‘e paraviso 

e ‘nterra. n’ato sotto ‘e piere.

C’ero passato aiere

e già m’ero ‘ncantato

comme a nu furastiero

c’’o vede ’a primma vota.

Chilli duje ‘nterra

ca fanno ‘a vita ‘e cane

hanno truvato ‘a pace lloro.

Luntano ‘o mare,

c’appena siente addore

e ‘o verde attuorno

ca nun se move foglia.

Si nun fosse p’’e machina

ca passano paresse

‘a casa ‘e Ddio pure ccà nterra

all’aria aperta p’’o tiempo

ca s’è fermato e uno pò gudé.

Me so’ ncantato

‘e tanta pace attuorno

cu na mmiria ‘ncuorpo

ca me stennesse  a’o sole

comme ‘e cane s’’a godeno

senza sprecà parole.

Stu sfizio me pigliasse

e me spignesse ‘o sole

dint’’o verde d’’a ripa

ca se ne scenne a mare

annura comme a rillo

ca nun se stanca ‘e cantà

fino a miezo juorno,

ma pure fino a sera

mangianno pane e sole

abbrustuliato ‘ncopp’a na riigiola

pazzianno a acchiappa sole

cu tanta pace attuorno

cu ‘e vrite ‘e coppe ‘e mure

sicure ‘e perde

perdennemp ‘int’’o verde

nzieme a nu revezziello

ca ‘e chisti tiempe

pur’isso passa ‘a ccà.

Gioacchino Ruocco

Ostia Lido        10.01.018