Dint’a Facebook

Via Lattea

Dint’a Facebook

Dint’a Facebook

io me perdo

Ce stanno tante e tante ‘e chelli vie

ca pare comme fosse ‘o pataterno,

‘o cielo chino ‘e stelle

e appriesso appriesso

tanta parole

ca comme ‘e scie ’e stelle

se perdono o te portano

addò nun saie che truove

addò vaie a parà.

Pare na rezza cu tanta e tant’aucielle

c’hanno perzo ‘o cielo

e forse a vie ‘e turnà

addò so nate.

Canteno sparpetianno

tanto c’’o core

nun ce a fa a restà

fermo a guardarle

e se ne vò vulà

Nu vico è poco,

ma p’’e penziere mie

m’avasta pure chisto

c’‘o strillo ‘e nu guaglione

ca piccerillo nun ce a fa a restà.

Pare n’arillo, zompa ‘a ccà e a llà

Trova arricietto

sule quanno ‘a sera

ca s’addorme stanco

‘ncopp’a nu fianco

senza se girà.

Canta na canzone

comme a nu riturnello

ca parla ‘e tanta juoche,

d’’e furmelle

d’‘o  strummolo

c’ancora fa tattelle,

d’‘a ciacca,

d’‘e fiurelle

e quanno criature

jucavo ‘a sottomuro

cu tanta muccusielle.

Gioacchino Ruocco

Ostia Lido        29.01.018

'O juoco d''o strummolo.