N’aceno a vota

N’aceno a vota

me so’ mangiat’’a pigna

 ma ’o stommeco me se rignute ‘e chiacchiere

parlanno assieme a te.

Ma pecchè me gire attuorno

e nun me lasce ‘npace ?

Si te facisse capace ‘e chello ca te dico

addeventasseme certamente amice.

I’ faccio solamente

chello ca vogl’io

si no ‘a vita

è niente pe mme.

‘E che me vuò parlà

Tu ca nun è visto ancora

‘a morte ‘nfaccia ?

Si nun saie ‘a famme

‘e chi è puverielle,

‘e stiente, na lemmosena

ca caccie?

‘O male ‘e riente ?

Ma ‘e che me parle ?

Pe fa nu passo

tu piglie ‘o sciaraballo

E io a pede , ma che t’’o dico a fà !

I’ tengo na cammisa,

nu cazone,

nu pare ‘e scarpe

can un so’ cchiù bbone,

ma baste ca me do’ na pettenata

so’ nu signore pecchè so’ meglio ‘e ll’ate.

I’ parlo c’’o core

E a chi nun chiede niente

le regno ‘e mane

‘e chello ca io tengo.

‘O faccio sentì frate

affianco a me.

Pecchè me guardo ?

Pecché me tiene mente ?

Scommette

ca nun è capito niente ?

I’ solde nun ne tengo.

Che ne faccio si songo ricco ’e core.

A chi me cerco ‘o dongo tant’ammore

c’’o fa senti felice.

I’ dint’’o core

tengo na canzone

c’aggio scritto na semmana fa

tu sì nun canzoniere

e ‘un si felice.

M’allora tu che cante a ffà?

M’amice nun ne tiene ?

Ma che faie

quanno rieste sulo ?

Si tu vuò ‘i luntano

vieneme appriesso

comme facc’io

ca vaco appresso a me.

Ostia Lido       12.10.2009      ore 08.15