‘A nustalgia ch’’e vote me piglia
tu nun ‘o saie ‘o male ca me fa.
Me fa passà jurnata ‘e maraviglie
e ate ca me fanno disperà.
E’ comme sta cu ‘e piede
int’’a chiù scarpe:
vulisse cammenà
ma ‘nn’’o può fà.
Passe cchiù tiempo
a ricurdà ‘o tiempo
c’arrete nun ritorna
c’’a vita ca mò campe.
Ato che ballo ‘e ll’urzo!
Si ’a carne
rest’attaccata all’uosso
‘o core ‘nn’’o faie fesso,
nun te fa cchiù campà.
Che fa rituorno ?
E addò t’appuogge ?
Ll’amice ch’erano tesore
che ll’haie sentute cchiù ?
Chistu paese è bello,
m’’a nostalgia
ca te fa venì
comme ‘a na malatia
te spacca ‘e cerevelle.
Te porta pe mmano
p’’e vie ca tu saie
e ancora tu vuò fà.
Ma cu ll’età ca tengo
trovo na carrozzella ?
Me guardo attuorno
e me sento perzo
dint’a st’eternità.
Saglienno p’’o Castiello,
scennenno pe Varano
spera ‘e truvà
na mano ‘a stregnere
na facci’ ‘a ricurdà
e salutà qualcuno.
Ma chi m’aspetta
si nun c’è cchiù nisciuno
ca s’arricordo ‘e me ?
E guardo attuorno,
ma chi m’era frate
ormaie nun ce sta cchiù.
Soltanto ‘e voce
parene ancora ‘e stesse…
A uno ca me ferma:
-Ma tu nun sì pe caso…
‘O guardo ma c’’o dito ‘ncopp’o
naso
le dico ‘e nun parlà.
Chiagne o stu suffrenno
senza na lacreme
e nu dolore ‘npietto
m’astregna ‘o core
e quase m’arricetta.
M’assette e chiudo ll’uocchie
speranno ca nu suonno
me porta a n’ata parte,
ma trammene ‘e denocchie
chi ‘o sa si po’ ci ‘a faccio.
Ma tu nun si ?
Chi songo ? Nun ‘o saccio.
Parite na perzona ca conosco…
Ca canuscive forse,
ma io nun songo ‘e ccà.
So furastiere ormaie,
forse tanta’anne fà
ma pò redenno
ce strignimme ‘a mano
e ce guardammo pe ce salutà
comme a quann’eremo guagliune
sicure ‘ancora ‘e ce truvà.
Ma ‘ncap’a me: - Chisto m’è fatto
fesso !
‘E castelluoneche so sempe ‘e
stesse
ma songo gente ‘e core.
Te vonno fa sentì comm’uno ’e
lloro.
Ostia Lido 07.09.2009
La poesia è inserita nella raccolta
pubblicata nel libro
dal titolo “Turnanno arreto “,
edito a Roma nel 2010
Nessun commento:
Posta un commento