Che t’aggia dicere ? a Cinzia Maria Cripe de "Il gusto dei ricordi"

Stasera ho trovato finalmente un attino da dedicarti. Gli auguri attraversi il blog Ruocco tribu li ho inviati a tutti, ma ho continuamente desiderato di trovare prima un po’ di pace e poi personalmente e scherzosamente a te e a tutti i componenti della tua famiglia americana e stabiese.
Ciao. Gioacchino

Gioacchino Ruoccoha detto:

25 gennaio 2015 alle 9:02 pm

Che t’aggia dicere ?

Me songo perzo

p”e vvie ‘e stu paese

e si me trovo ancora

dint”o specchio addò me guardo,

chi sa si è tardo

pe dirte na buscia,

o pe dirte ‘a verità

ca stongo bbuono.

Ll’anno passato

é stato tustariello

e si fosse sulo pe me

c’ancora guagliunciello me sento

pigliasso ‘a via

e me ne jesso a spasso

facenno ll’arte ‘e Michelasso.

Ma che vuò ‘a me ?

‘o tiempo passa pure senza ‘e me

ca scrivo e scrivo

e nun m’arrenno maje.

Chi sa chiste penziere che faranno ?

Lasci’ ‘a tristezza

e me rifaccio ‘a capa

e si te busso

spero ca m’arapo

‘a porta n’ata vota

pe fa girà sta rota

p”o tiempo ancora ca essa vo’ girà.

Che staje facenne ?

Cu tutte sti pietanze

i’ m’assettase a tavola

e me rignesse ‘a panza

a faccia ‘e chi nun tene

n’amica comme a te.