Dispiette

Si na piega se scose

rieste nervosa

tutta na jurnata.

Po’ addeventà  na scusa

pe nun ascì,

pe te fà ‘e cunte

‘e chello ca vuò fà.

Qualunque cosa dico

nun me staie a sentì.

Si fore è bello

faie  fa triste ‘o cielo

comme a nu velo

ca scenne po’ scurà,

ma n’ago mmane

nun ‘o vuò  piglià.

Bastarrie nu punto

mentre cuntasse ‘o cunto

ca sempe m’è cuntato

ca t’ire nnammurata

tant’anne fa ‘e me

credenneme nu rrè.

Pecchè guagliune

facevemo  pazzie

addò ire riggina

e io sfidavo ‘o munno

pe te sta vicino

comme a nu ranavuottolo

ca conta ‘e fa ‘o ‘rre.

Nun ce sta verso

ca cagna ‘a capa toia

e quanno piglie ‘a scigna

manco sti fattarielle

te fanno cagnà idea

e mentre io me ngrogna

ce sta chi s’arrecrea.

Gioacchino Ruocco

Ostia Lido           16/01/2015

Inserita nella raccolta “Ce steva na vota”