‘A vicchiaia…

‘A vicchiaia me sta danno ‘ncuollo.

Nu juorno ‘a tosse

e n’atu juorno ‘e ccosse,

nu juorno ‘e spalle

e n’atu juorno ‘e mmane.

Chi sa dimane

che guaio aggia passà ?

Esco da casa

pe me fa duie passe,

ma po’ me fermo

pe dà tiempo ‘e ccosse

‘e se repiglà.

Nu piezzo ‘e pane

st’addeventà n’impresa.

Sulo pe gghjì e pe turnà

nu mese.

S’incontro a qualcheduno:

Ch’è succieso ?

un ‘o capisce ?

Te l’aggia pure spiegà ?

Chello ch’è succieso pure a te

qualche semmna fa.

E’ accumminciato

cu nu colpo ‘e tosse,

quase nu mese fà.

‘A vita è chesta

che ce putimmo fa?

Viato a te ca già t’è ripigliato!

I’ stongo ancora

cu pillele e supposte.

Che t’aggia ddì ?

Appena me repiglio

nu cafè ‘o tiene già pavato.

Hammo campato assieme

comme a frate.

Va bbuo’, mo pave tu,

si proprio fuorze ‘a mano.

Gioacchino Ruocco

Ostia Lido    14/02/2015

Inserita nella raccolta “Ce steva na vota…”