Ma che presepio è…

Ma che presepio è si nun canusce

l’ommo vicino a Cristo dint’’a grotta?

E po’ chillo c’appiccia ‘a lampa?

e chillo ca s’aggrogna ?

e chillo c’appripara na lasagna

e ‘o magge vestuto ‘e stracce

comme si fosse maggio?

E’ nu presebbio overo

o è na pazzia comme a chelle

ca fanno ‘e guagliuncielle  ‘e ogge?

Ce stanno chille cu na faccia tosta

ca fanno tutto comme vonno lloro.

‘E tiempe so’ cagnate

e ‘a parte ‘e fore

nun sanno manco ch’è

chesta apparata.

Giesù, Giesù,

ma quanta vota ancora tu è a venì,

quanta Natale ancora te vuò fa !?

Qualcuno c’organizza na tourné

ca San Giuseppe ormaie è troppo viecchio

e ll’aseno nun sta pe tutto parte.

E ‘ magge addò ‘e truvammo n’ati tre ?

I’ che curaggio pe campà ce vò,

e che fatica ancora pe muri !

Gioacchino Ruocco

Ostia Lido                 27/03/2015

Inserita nella raccolta “Ce steva na vota…”