‘Nterra Surriento

A te ca già staje ‘e casa ‘mparaviso

te manno nu saluto all’aldiquà.

Ca si na furtunata ‘o ddice ‘o core

e nu ricordo ‘e tant’anne fa

quanno veneva a scola

nterra Surriento o jeve ngiro

o a mmiez’’o mare pe me sciascià

c’’o sole ca spaccava ‘e prete ‘nterra

o suspirava ‘a nu ciardino a n’ato

comme a nu ‘nnammurato ‘e quinnice anne.

Pigliate ‘o mmeglio ca t’è dato ‘a vita

ma nun te scurdà ‘e me ca me respera

 

senza a na mmiria e senza na schiattiglia.

Saluteme a chi tiene assaje cchiù caro,

cerca d’’e vulè bbene tutt’’e juorne

ca t’hanno fatte nascere

cu na festa attuorno ‘e mare,

‘e sole e dint’’a sti ciardine

nu tesoro ca spremmo e spremmo

pe ne sentì ‘o prufumo.

Ll’uocchie tuje chiagnano lacreme ‘e gioia

e nu surriso è na carezza ‘e Ddio

ca scenneno nterrà s’’o purtaje appriesso

pe nun se scurdà ‘o suio ca jeva ‘e pressa.

Gioacchino Ruocco

Ostia lido    26/03/2015

Inserita nella raccolta “Ce steva na vota…”