Nu cafè sospeso

Me vulesse fà na cammenata

pe cagnà aria, pe turnà 'o paese.

‘O core ogne tanto ave bisogno

 e avanza cchiù pretese

‘e quann’era guaglinciello.

Ne leggo tante c‘avesse avè paura

ma io cu ‘e figlie ‘e ndrocchie

sto ‘int’’a macchia.

‘O meglio ‘e chiste

a me nun me nu ‘mpapocchia.

‘O guardo dint’a ll’uocchie

e si s’accocchia

so’ cacchio suie.

Le dongo na carocchia…

cu tutt’’e sentimente

Ma mò parlammo ‘e nuie?

Te trovo quanno arrivo

o ancora si currivo

comme a quanno

te cummannavo a stennere

                        dduje panne ?

M’’o ppave stu cafè

c’’a fine ‘o mese

aggia truva chi me fa ‘e spese,

si no cerco nu barre

cu nu cafè sospeso

‘a faccia toja

e ‘e tutte ‘e stabbiese.

'E castelluoneche

so’ tutto n’ata cosa.

Gioacchino Ruocco

Ostia Lido       16/03/2015

Inserita nella raccolta "Ce steva na vota"