Si nun ce stanno sante

San Crispino

Si nun ce stanno sante

ca perdeno a pacienzia

pecchè ‘e staje preganno

e appiccie cchiù lumine

ca preghiere ?

E che ce fanno ‘ncielo

si pure lloro

penzeno ‘e fatte proprio ?

Che indecenza !

Stute ‘e lumine subeto

all’istante.

Dice ca San Crispino

ha perzo ll’uso

e s’arraggià

pe ogni ccosa storta.

Ereno troppe

e nun arape ‘a porta

cchiù a nisciuno

manco c’’o chiaro ‘e luna,

si è ccosa ‘e vivo o muorto.

Nun so’ ccose ‘e mezesole

Mò ca para nun ce scarpa

ca se sola.

Quanno ‘o buco ormaie è fatto

Piglie, ‘e ghiette int’a buatta.

Jastemmava qualche vota.

Mò sta sempe in penitenza

e nun parla ca in presenza

‘e nu paglietta

E si attacca nun la smetta

maje primmo ‘e miez’’o juorno.

Sule tuosseche e suspette

ca qualcuno porta ‘a spia

E preganno così sia

non ‘o ddice proprio cchiù.

Gioacchino Ruocco

Ostia Lido 18/04/2015

Inserita nella raccolta “Ce steva na vota…”