'O lavarone

A Castellammare di stabia Annunciata pioggia

'O lavarone

Me manca 'o lavarone

pe zanghenià mentre turnavo a casa.

Che bella cosa quanno ero guaglione

senza penziere ‘e acchiappà mazzate.

'A scusa bona ca p'arreva 'o San Marco

'un ce stanno purtune manco mò

pe scanzà ll'acqua c''a Scanzano arriva

pe mmiez''e vie o pe dint''e rive.

Me manco 'o Lavarone dint''e scarpe

ca me ne portava a mare facenno a guerra

cu ttutte chello ca se truvava 'nnante.

sceppanne 'a dinte ''e chiese pure 'e Sante.

Me manca 'o lavarone addo sto ‘e case  

ca quanno chiove‘e scarpe nun se 'nfonneno,

A sittantanne io ce penze ancora

e 'o core a farme fesso,  nun si tu.

Gioacchino Ruocco

Ostia Lido 05.03.017