THE TIARA

                                     

Due cuori e una capanna

e nell’ampia pianura

soltanto la voce del vento

ci terrà compagnia.

Il sole ci farà bruniti,

di bronzo o di oro

come hai sempre sognato.

Daremo loro,

alle montagne intorno,

la nostra voce

che risponderà

nell’eco che danno,

ma tu già racconti per dirmi

che non ho capito.

Troppo grande la casa

nell’infinito

e ancora senza pareti.

Solo un tetto

che al tatto sembra insicuro,

ma è bella così senza un muro.

Agli occhi di chi

dobbiamo nasconderci ?

Siamo soli

agli occhi del mondo.

Gioacchino Ruocco

Ostia Lido              30.06.016

Me piglio quase scuorno...

Nu cielo che fa acqua ‘a tutte parte

e ‘o core ca s’astregna e me fa male

e tu ca rieste fore fino a tarde

senza me da nu segno ‘e quanno tuorne.

Me piglio quase scuorno

d’’o bbene ca te voglio,

ma prima ca sgravoglio sta matassa

tiempo ne passa o n’adda passà.

Nun è cchiù primavera e chesto ‘o saccio.

‘O veco ca me fuie ‘a dint’’e braccia

mò cu nu mutivo e mò cu n’ato.

Tiene ‘a che fà e aggia avè pacienza

comme ne tiene tu quanno me metto

appriesso a nu pensiero e nun ‘o lasso

fino a quanno nun trovo ‘a parola

ca s’azzezza cull’ate e fa l’effetto

ca voglio, ca se tira appriesso ‘o core

‘e tanta ggente e ca te fa sentì

nu sentimento comme si fosse nuovo.

Ma fore quase chiove e sule tu

‘o ssaie addò te truove…comme maie

nun chiamme, ca io te sto chiammano e

nun rispunne, comme si ‘o munno fosse

cchiù gruosso ‘e chello ch’è.

E guardo ‘o cielo e spero ca mò schiove.

Se songo fatte ormai quase ‘e nnove,

n’atu minuto e vengo a te cercà.

Te voglio bbene, ‘o saie, c’aggia fà ?

Ostia Lido        4 gennaio 2012            17,40

Gioacchino Ruocco

Dalla raccolta: E’ ancora primmavera

pe sta sulo felice cu te…

Si nun venesse ‘o suonno a me piglià

nun me stancasse maie ‘e te guardà,

ma si ‘o suonno  trica e nun vene

senza ‘e te che ce faccio p’’a via ?

Va co ‘o capo, ritorno e ritrovo

na fenesta muta e addermuta,

nu silenzio ca manco l’arille

hanno ancora n’idea ‘e scetà.

Dint’a notte Surriento s’addorme

quanno cchiù tarde se po’ !

So sul’io ca penzanneto ancora

nun trovo mai ll’ora e jirme a durmì.

Ch ce faccio senz’’e te int’’o lietto ?

A chi ‘ e ddiche ‘e buscie ca penzo ?

Ce vo sulo ca tene  pacienzia

chi sta assieme a me ‘nnammurata.

Tutt’’e vote ca dico ca parte,

ca nterra Surriento nun torno maie cchiù

nun è overo ,  ‘o ddico pe dì,

pe farte capì  quanto te voglio.

‘O riesto me mbroglio, me sbroglio,

c’aggia fa nun ‘o saccio.

Sto aspettasno ’e mbrarme qualche arte

e si ‘o faccio ‘o faccio pe te,

si no d’’o viento dd’o capo ‘e surriento

me faccio afferrà comme a vela ‘e na barca

ca s’arrampeca ‘ncielo, pe mare

addò corre ‘o penziero  ca stongo a cercà

pe sta sulo felice cu te.

Gioacchino Ruocco

28.06.016

Mariù

Addore 'e festa ll'aria

e 'o core è na canzone,

Mariù fore 'o balcone

sta sulo a suspirà.

I' passo e spasso sotto,

'a guardo, m''a smicceo,

'o saccio ca s'è cotta

perciò me 'ncapuneo.

Essa fa 'a tosta e i' pure,

essa nun guarda e i' guardo,

m'appoio 'nfacci' 'o muro

e stongo fino a tarde.

Addore 'e festa ll'aria

e 'o core è na canzone,

stanno sott''o balcone

sento cantà 'a canaria.

E aspetto e sempe aspetto

speranno ca se molla,

c''o core lle se scolla

pe farme nu dispietto.

Addore 'e festa ll'aria,

tu nun te muove e i' pure,

m'appoio 'nfacci' 'o muro

e guardo sempe a te.

Gioacchino Ruocco

Piano di Sorrento 1956

La voce di Stabia – marzo 1956

So’ ‘e sette e trentadoie...

Genova: con Van Jonson - durante le Colombiadi del 1992
al ristorante Zefirino nostro ospite per l'occasione.

So’ ‘e sette e trentadoie

e stongo già scetato

a tre, quatte ore.

Tu duorme ancora

e ogne vota

ca passo a ‘nnanz’ a stanza ‘e lietto

me vene quase ‘e farte nu dispietto

‘e te scetà pe te piglià ‘a pietto

‘o ddoce comme fanno ‘e criature.

Ma è troppo forte ‘o suonno

ca stà sott’o lenzulo, t'aggrugno

pe na goccia ‘e friddo

ca ce sta ‘nt’ a ll’aria.

Me vene ‘o pizzo a riso,

ma po’ me faccio serio,

ritorno cu ‘e penziere

a scrivere na storia

c’’a tantu tiempo scrivo,

cchiù pe currivo

ca p’’a voglia ‘e fà.

E n’aggio scritto cose a centenare

e ancora scrivo.

Ogne tanto m’arriva nu cunzenzo

‘e chi me legge

e ‘a penzo comme a me

c’’o stesso core

e tene ‘o stesso tarlo.

I’ quanta ggente c’aggio canisciuto

ca quanno ‘e ncontro

me guardano curiuse

ca io ‘e lloro nun abuso maie.

Parlanno a tu e tu

onestamente

ce sta chi nun ce crede

e a me che me ne ‘mporta!

‘A porta è chella,

ma po’ metteno ‘ngiro

pure ‘e furmelle

ca songo neccessarie

p’’e cammise

pe ll’ati ccose da tene assieme

e no pe se fa belle

pe vennere ‘a biada cu sciuscelle.

Gioacchino Ruocco

Ostia Lido                 27.06.016

Quanno 'o sole sponta ... G. Ruocco 1956

Piano di Sorrento - Rampa di Santa

                                 Quanno 'o sole sponta

p''a rampa 'e Santa Teresa

me metto 'nmanche 'e cammise

e t'aspetto.

Tanno é cchiù bello 'o sole.

'E llastre toie me parleno

dicenno sti pparole:

- Aiccanno, se sta lavanno 'a faccia,

se sta facenno 'e trezze,

mò vide che te caccia

stu mese 'e abbrile !

E arille arille

comme sò belle chisti capille,

che sò doie perle

chist'uocchie belle ?

E addure 'e rose

e anepeta nuvella

e 'o cielo te fa festa

quanno scinne

e i' e 'o core

'ncantate rummanimme

sule a guardarte,

sule a penzarte,
sule a te sunnà.

Ruocco Gioacchino 

Piano di Sorrento  april1956

Vorrei mettere all'inizio e alla fine della strada una targa ricordo per ricordare i miei anni passati al nautico e il prof. Giuseppe Iorio 
che si fece testimone delle mie capacità poetiche.

Quanno 'o sole sponta

Quanno 'o sole sponta ...

Quanno 'o sole sponta

p''a rampa 'e Santa Teresa

me metto 'nmanche 'e cammise

e t'aspetto.

Tanno é cchiù bello 'o sole.

'E llastre toie me parleno

dicenno sti pparole:

- Aiccanno, se sta lavanno 'a faccia,

se sta facenno 'e trezze,

mò vide che te caccia

stu mese 'e abbrile !

E arille arille

comme sò belle chisti capille,

che sò doie perle

chist'uocchie belle ?

E addure 'e rose

e anepeta nuvella

e 'o cielo te fa festa

quanno scinne

e i' e 'o core

'ncantate rummanimme

sule a guardarte,

sule a penzarte,
sule a te sunnà.

Ruocco Gioacchino 

Piano di Sorrento 1956

Rampa di Santa Teresa - Piano di Sorrento

sullo sfondo la chiesa attigua
all'Istituto nautico Nino Bixio

Pareno morte ‘e ffoglie

Pareno morte ‘e ffoglie

Pareno morte ‘e ffoglie

c’’o viento lascia stà

e attuorno ce sta n’aria

ca nun fa carità

e nu penziero bbuono

c’appiccia ‘o fuoco

sott’a nu caccaviello.

Chi sa a che ora

turnarrà a casa

si ‘o cielo po’ mantene

ch’è scuro scuro ‘e nuvole.

‘A paglia, ‘o ffieno

stanno ancora fore

a piglià ‘o sole

pe se fa cchiù sicche.

Pasta e fasule aiere,

stasera na ‘nzalata ‘e pummarole

c’’o janco ‘e na scarola

o nu vascuotto ‘e grano

cu ‘e pacche secche

c’’o cerasiello forte.

Fino a ca nun tuorno

t’aspetto ‘nziem’’o cane.

Mentre ‘a tiana volle

te può lavà ‘e mmane.

Sara chello che vò

d’’o tiempo e ‘o cielo,

ne tengo ancora sciato

fino a stasera.

Ce credo o nun ce credo

è chesta  ‘a vita.

Cagneno ‘e nomme

cagnarrà ‘a ferita

ma si si n’ommo

sempe è a turna ccà

Gioacchino Ruocco

19/06/016

Sarrà pure na bella jurnata

Sarrà pure na bella jurnata,

ma senza viento na cumeta è morta

‘E penziere a uno a uno

Saglieno a fatica dint’’o cielo

Addò l’azzurro se fa janco e more.

Attuorno nun ce sta nisciuno.

Satore, zitto e muto,

se n’è turnato a casa

a priparà pastore  pe dimane

ca si nun chiove ncopp’a via nova

sarrà ‘a solita ammuina ‘e ll’ate juorne.

Ogne tiro sarà na gioia perza

Si è troppo curto o luongo assaie,

ma strille fino ‘o cielo

si arriva ’o punto.

Io aspetto a patemo ancora prigiuniero

e songo furastiero a ogne juoco.

Chi sa si m’arricorde ‘a faccia soia,

si s’arricorde ‘e me ch’ero criaturo ?

Na lacerta, sola comme a me, se gode ‘o sole.

E’ nun sparagane tiempo

p’’o dulore d’’a cora ch’è tagliata.

Po’ succedere dimane n’ata vota

Ma dint’’o muro ce stà n’arricietto

C’aspetta e sta sicura.

Ognuno tene nu penziero nfame,

ognuno porta  l’acqua addò vo isso

ognuno, ma succere spisso,

nun s’addone attuorno che succere.

si ‘o munno è sempe overo.

Sulo dimane sarrà n’ata jurnata

quanno chesta è passata

E ‘un è arrevata ‘o viento

P’annarià cumete

Penziere ca a me m’hanno stancate.

Gioacchino Ruocco

Ostia Lido                          19.06.016

Sarrà pure na bella jurnata

Sarrà pure na bella jurnata,

ma senza viento na cumeta è morta

‘E penziere a uno a uno

Saglieno a fatica dint’’o cielo

Addò l’azzurro se fa janco e more.

Attuorno nun ce sta nisciuno.

Satore, zitto e muto,

se n’è turnato a casa

a priparà pastore  pe dimane

ca si nun chiove ncopp’a via nova

sarrà ‘a solita ammuina ‘e ll’ate juorne.

Ogne tiro sarà na gioia perza

Si è troppo curto o luongo assaie,

ma strille fino ‘o cielo

si arriva ’o punto.

Io aspetto a patemo ancora prigiuniero

e songo furastiero a ogne juoco.

Chi sa si m’arricorde ‘a faccia soia,

si s’arricorde ‘e me ch’ero criaturo ?

Na lacerta, sola comme a me, se gode ‘o sole.

E’ nun sparagane tiempo

p’’o dulore d’’a cora ch’è tagliata.

Po’ succedere dimane n’ata vota

Ma dint’’o muro ce stà n’arricietto

C’aspetta e sta sicura.

Ognuno tene nu penziero nfame,

ognuno porta  l’acqua addò vo isso

ognuno, ma succere spisso,

nun s’addone attuorno che succere.

si ‘o munno è sempe overo.

Sulo dimane sarrà n’ata jurnata

quanno chesta è passata

E ‘un è arrevata ‘o viento

P’annarià cumete

Penziere ca a me m’hanno stancate.

Gioacchino Ruocco

Ostia Lido                          19.06.016

Napule nun è nu paraviso…

Napule nun è nu paraviso,

è ‘o munno sano sano

addò se more acciso

‘o campe pe campà

c’o core sempe chino

e cu ‘e mane vacante

addò so’ tutte sante

o figlie ‘e bbona mamma.

Chello ca ce manca ogne ghiuorno

è na pacienzia grossa quanto ‘o munno

ca già pacienzia ne tenimmo assaie

pe nun ghj’ a funno

tutte quante assieme,

pe fà felice a chi nun tene  niente

e rusecanno ha perzo pure ‘e diente,

a chi è cchiù disperato

ca guarde ‘nafaccia a chi le vene a tiro

cchiù niro ‘e isso che s’è fatto ‘e pece.

‘O munno avesse girà a smerzo

pe ritruvà ‘o tiempo c’hamma perzo

quanno se so’ mbrugliate ‘e lengue

e chi se l’è mbarate

jeva facenno fesso   a tutte all’ate.

Cagnanno idea pe chille ch’è venuto

tutto è ferneto a tarallucce e vino.

Si fosse nu paese malamente

se ne futtesse ‘e tutto,

nun se vestesso a lutto ogne mumento

specie si ‘a guerra arriva dint’’e ccase.

Turnanno a mò, passannece na mano p’’a cusciezia,

chi è senza penitenzia aiza a mano.

Nu passo a ‘nnaze chi è muorte ‘e famme

pure si se fa nu culo tanto.

Chi è senza nu mestiere nun è napulitano.

Si aiza ‘a mano po’ resta pur’isso

basta ca se mette ‘a faticà,

ca p’arrevà nu juorno ‘mparaviso

ce ne vò ancora,

pe fà capì a chi canta

ch’e vvote na buscia va pure bbona

m’avimmo fa nu vuto a san Gennaro

e nun cuntarce chiaccere e frummelle

si no sta vita ca rimane belle

ce resta ‘nganno a paricchie ‘e nuie.

Gioacchino Ruocco

Ostia Lido 23.06.016

Napule nun è nu paraviso…

Napule nun è nu paraviso,

è ‘o munno sano sano

addò se more acciso

‘o campe pe campà

c’o core sempe chino

e cu ‘e mane vacante

addò so’ tutte sante

o figlie ‘e bbona mamma.

Chello ca ce manca ogne ghiuorno

è na pacienzia grossa quanto ‘o munno

ca già pacienzia ne tenimmo assaie

pe nun ghj’ a funno

tutte quante assieme,

pe fà felice a chi nun tene  niente

e rusecanno ha perzo pure ‘e diente,

a chi è cchiù disperato

ca guarde ‘nafaccia a chi le vene a tiro

cchiù niro ‘e isso che s’è fatto ‘e pece.

‘O munno avesse girà a smerzo

pe ritruvà ‘o tiempo c’hamma perzo

quanno se so’ mbrugliate ‘e lengue

e chi se l’è mbarate

jeva facenno fesso   a tutte all’ate.

Cagnanno idea pe chille ch’è venuto

tutto è ferneto a tarallucce e vino.

Si fosse nu paese malamente

se ne futtesse ‘e tutto,

nun se vestesso a lutto ogne mumento

specie si ‘a guerra arriva dint’’e ccase.

Turnanno a mò, passannece na mano p’’a cusciezia,

chi è senza penitenzia aiza a mano.

Nu passo a ‘nnaze chi è muorte ‘e famme

pure si se fa nu culo tanto.

Chi è senza nu mestiere nun è napulitano.

Si aiza ‘a mano po’ resta pur’isso

basta ca se mette ‘a faticà,

ca p’arrevà nu juorno ‘mparaviso

ce ne vò ancora,

pe fà capì a chi canta

ch’e vvote na buscia va pure bbona

m’avimmo fa nu vuto a san Gennaro

e nun cuntarce chiaccere e frummelle

si no sta vita ca rimane belle

ce resta ‘nganno a paricchie ‘e nuie.

Gioacchino Ruocco

Ostia Lido 23.06.016

Si puorte ancora ‘a spia ‘o Pataterno…

Si puorte ancora ‘a spia ‘o Pataterno

te fà piglià ‘nu terno comme premio.

Che te ne ‘mporta a te

s’io me ranno l’anema

cercanno chelli vie

chiene ‘e cunfusione,

addò ce sta qualche anema

ca canta na canzone  d’’e parte noste

c’ancora fa sentì anema e core ?

Si fosse overo chello c’hanno scritto

pur’ Isso, Ddio nun se ne po’ sta zitto

lasciannece muri senza na gioia

ca nun è sola una, ma ddoje vote.

Lassamme ‘o fa ca Isso sape comme,

ma si le puorte ancor n’ata spia

me dice c’a ddà fa stu poverommo ?

Te lasso sola sola e vaco addò

se senteno canzone tutt’o juorno

e campano sultanto pane e pane

ch‘e cepolle ….hanno cagnato ‘o ditto

e quanno a mmiezo juorno ll’acqua volle

ce votto dinto ‘e lengue ‘e Menelicco

e po’ voglio vedè si chiagne ancora.

Io stongo abbascio già a nu quarto d’ora

aspettanno ca scinne, ma faie tarde

cu ‘a scusa  ca tu ‘mpienne

‘e piennele pe me.

Si puorte ancora ‘a spia ‘o Pataterno

‘e chello c’aggio fatto o sto facenno

peggio pe Isso ca te sta a sentì

pecch’ te giuro ca si piglio ‘o terno

lasso fa a Ddio chello ca vo Isso

basta ca me lascia ‘o sentimento.

‘O riesto ‘o ddongo a chi nun tene niente

a chi sta peggio ‘e me c’ormaie sta sulo

e ‘un tene manco a chi porta na spia.

Gioacchino Ruocco

Ostia Lido                             23.06.016

Io songo nuovo ‘e stu paese tuio.

‘E ccose bbone s’’e godeno ll’ate

ca d’’a famiglia so sule cazziate.

Te stongo appriesso ‘a cchiù ‘e qualche mese,

sule a guardate é male tiempo ‘e mare,

na sera ‘e friddo pecchè t’aggio ncucciato

mentre turnave a casa sola sola.

Cuntinue a me gurdà, ma nun rispunne

quanno te faccio segno ‘e m’aspettà.

Po’ cagne via e vaie p’’o vico appriesso.

‘E vvote trase dint’’a nu purtone

e aspietto ca pur’io songo passato.

C’aggia penza ca nun te vaco a ggenio ?

Ca forse tenarraie qualcun’ato?

Si tu te firme n’attimo te spiego

‘a te che voglio, pecchè te vengo

appriesso. LL’ate so’ cchiù sfacciate.

Se fermeno, risponneno comme si

niente fosse e po’ cu na risata

me lasciano mpalato e se ne vanno

p''e fatte lloro e si ‘e ‘ncontro ancora

stavota  songo lloro a me chiammà.

Cuiete, sistemate pe me cuntà

nu fatto o pe me fà n’invito

e jì a na festa lloro ‘o juorno doppo..

Io songo nuovo ‘e stu paese tuio.

me voglio presentà a chi me piace

c’ ‘a quanno t’aggio vista e po’ rivista

si una ‘e chella ca me piace ‘e cchiù.

Cu tte io me fermasse vuluntiere

quanno te ‘ncontro comme è succieso aiere.

Tenive na paura dint’a ll’uocchie,

ma quanno me vediste risciataste.

'E vvote basta n’ombra, na parola,

nu sguardo stuorto e nun s’è cchiù sicure

pe chesto quanno io sto sulo a casa

me sbarra a porta e chiudo ’a serratura,

Si po’ tu dice ca stu raggiunamento

nun l’haie capito e nun te ‘mporta niente,

lasciamma perde’. Quanno ce ncuntrammo

cu ll’uocchie dint’ alluocchie io te saluto

e tu rispunne si me vò risponne

si no me godo ‘o frisco ‘e chesti fronne.

Gioacchino Ruocco

Ostia Lido                     25.06.016

‘A maronna d’’a Nnunziata

‘A maronna d’’a Nnunziata

ogne notte se fa na cammenata

p’’e strate d’’o quartiere

addò  ‘e case ce stanno  criature

‘e cchiù friccicarelle

pe sta sicura ca stanno tutte bbone

doppa na jurnata ‘e maletiempo

o ‘e sole ca nun le mport’’e niente

si spacca ‘e prete e leva ‘o sciato ‘a ggente,

si uno sura e smania dint’’o lietto

e na nuttata se fa cchiù  scura e llonga

senza repusarse nu minuto.

‘A monaca c’’a cura ‘o vestimiento

l’adda cagnà ‘e scarpe ogne mese.

E che pretese tene sta Maronna

ca nun s’annunzia manco ‘int’a nuttata

mentre tu duorme  e suonne,

ma a essa no, arriva all’intrasatta

e ‘a chiammano ‘o stesso annunziata.

Mette na mano ‘ncap’’a tutte quante

p''e fa senti cchiù buone,

quase cchiù sasante

pe suppurtà ‘o juorno ca se sceta

senza na grazia,

senza  n’ombra ‘e bbene.

Cu tutto c’’a vetrina è sempe chiusa

e n’ombra ‘e povere nun ce po’ trasì,

torna dint’’a  teca cu prete sott’’e sole,

e addore ‘e cucinato sempe ‘ncuollo

e ll’eco ‘e na voce ‘e mamma

ca va cercanno ‘o criaturo suio

ca tutt’’e ssere perde e ca nun trova.

Attuorno nun c’è na strada lorda

ma siente addore ‘e nu mezzone ‘e avana

ca s’ero perzo a cchiù ‘e na semmana

quanne s’era  attaccato sott''a scarpa

p’’o stutà.

‘A ggente nun ce crede e nun po’ esse.

Ma sta maronna se n’asce ‘o stesso

e va giranno a ddò ce sta bisogno.

A ognuno porta qualche ccosa ‘e bbuono

e ‘a me nu pizzo a risa si te guardo

ca comme a na Madonna ‘e vvote campe

e prieie sempe ‘si ncielo fanne ‘e lampe.

Gioacchino Ruocco

Ostia Lido   23.06.016