Mammà tene paura - Da tipi - poesie napoletane di Gioacchino Ruocco

Mammà tene paura

ca me mett'a fa ammore

cu na guagliona

ca nun tene manco na lira.

E appena me vede 'e parla cu Maria

me chiamma e me dice

ca tene che fà

e ave bisogno 'e na mana.

Stu fatto

é già na semmana

ca dura.

'O pate 'e Maria

nun tene ne arte e ne parte,

ma Maria tene n'arte

ca me fa scevulì.

E io

nun tengo ancora vint'anne!

Magare fra cinche o sei anne

ce putesse penzà.

Mò so cose ‘e criature

che stamme a penzà!


Pubblicata il 3/06/2011  sul "Ruoccotribu.blogspot.com"