'O scupatore. - Da tipi - poesie napoletane di Gioacchino Ruocco

'O ministro tal dei tali

me facette piglià 'o posto

e o te mine p''a fenesta

o te mengne sta menesta

accussì fuie pe me.

Nun tenenno arte o parte,

nun sapenno ca fa niente

me dicette: - Tu che vuò ?

Ce sta chesto e t'accuntiente.

M'accuntento, e sto a scupà.

Senza ce penzà doie vote.

E accummiciaie a pavà,

'e diebbete già fatte

e chille ca facevo;

mannave 'e figlie a scola

e m'accedeve 'e fatiche

comme a tutte quante ll'ate.

Ma nu juorno nu signore

ca teneva 'a dì qualcosa

me dicette: - Siente!

Visto ca si nu scupatore …

cerca ‘e sta ‘o posto tuoie,

comme un grande disonore.

Comme si a munnezza 'nmiez''e vie

invece d''a levà ce 'a mettesse io.

E sto scupanno tanta fetenzia

ca chistu nomme invece me fa onore.

Dal blocchetto                  Maschere

Pubblicata il 3/06/2011  sul "Ruoccotribu.blogspot.com"