'O magliaro. - Da tipi - poesie napoletane di Gioacchino Ruocco

'O 'ncuntraie 'ncopp''o treno

ca curreva a casa

pe vedé 'e figlie

primme ca le puteve

succedere

qualcosa malamente.

Fuieva d''a Germania.

'O vulevano arrestà

pecché 'a ggente diceva

ca sapeva sule ‘mbruglià.

Nun era overo.

No pecché m''o diceva.

Era sincero 'int'a ll'uocchie

e 'o gghianco era cchiù gghianco d''o mio

ca comme a Ddio ‘o stevo a sentì

Erano tre gghiuorne ca viaggiava

senza truvà arricietto.

E nu dolore ‘npietto

l’ere vute penzanno ‘e figlie.

Nun s''o mmeretavo

me diceve.

E io le credevo

pecchè 'int'a ll'uocchie

'o gghianco

era cchiù gghianco

e cchiù onesto d''o mio.

Da   'E pazzielle.     17/08/60

                                                    Pubblicata il 3/06/2011  sul "Ruoccotribu.blogspot.com"