venerdì 22 novembre 2013
(la morte del disoccupato)
Ma che chiagnite a ffà quann’io more ?
‘O pataterno ‘ncielo m’è astipato
nu posto
ca io cuntinuo a fa ‘o disoccupato.
Niente aggio fatto e niente vaco a ffà
pecchè me so’ stancato ‘e nun fa niente
e niente pozzo fa.
Me mette addo m’ha miso c’aggia stà.
E guardo ‘o Pataterno eternamente.
Me voglio arrecrià quanno m’’o guardo.
Me voglio scetà a ‘mbressa e nun fa tardo.
L’eternità è na cosa grande
e nun t’a può gudè nu poco ‘o juorno.
T’’a guarde e quano c’é trasuto dinto
si pure tu eterno e si cunvinto
ca sulo una a munno ce ne stà.
Quanno ve ncontro ncopp’a strata mia
nun ve facite comme ‘o solito che fate
pecchè eternamente so disoccupato.
Io sto vicino a Dio, so furtunato!
Stu posto nun me ‘o leva cchiù nisciuno.
‘O ppane mò ‘o ttengo assicurato.
Prego pe vuie ca murite ‘e presso
primmo ca stu guverno nun v’accire
pecchè chi more accise ‘e sta manera
add’aspettà ca vene primavera.
pecchè stanno allarganno l’infinito
c’ormaie è quasi tutto esaurito.
Gioacchino Ruocco
Ostia Lido 23/11/2013 ore 7.30
Nessun commento:
Posta un commento