Ogne vota ca veco a ‘Ngiulinella
se n’è caduta l’asola e ‘a frummella
me manca allicche allicche e ‘a ficusecca
e tengo mille piecche e cchiù difette.
Ma tant’è bella, tanta è superchiosa
e quanta cchiù priezze io le faccio
tant’essa me risponde malamente
‘e cchiù ‘e na vota m’è girata ‘a faccia.
Ma si na sere ‘e chesta
’a ‘ncoccie dint’’o scuro
voglio vedè che fa
quanno cu ‘e spalle ‘o muro
se trove ‘e pietto a me.
‘O saccio ca ce tene,
c’’o sanghe dint’’e vvene l’abbruce.
Voglio vedè che dice,
voglio vedè che fa ?
Si va fuienno ancora
é proprio ora ca i’ cagno via,
ma dint’’e braccia astrenta
l’aggio tenuta già
e chhiù ‘e nù vaso ‘a dette
pe farla accuità.
Me vò,
ma comme a tutt’’e femmena
pur’essa se fa ‘e cunte
ma ‘e juorne, ‘e juorne passano
e io c’’o contrabbasso
solfeggio ancora.
M’’a ggente ‘e int’’a stu vico
ca ‘int’a controra dorme
m’ha ditto ‘e fa duie passe
pe me svagà nu poco.
E allora me ne vaco
cantanno na canzone
speranno ca me sente
ca se n’addona.
Ostia Lido 03/04/2011 ore 14,30
Pubblicata il 3/06/2011 sul "Ruoccotribu.blogspot.com"
Pubblicata il 3/06/2011 sul "Ruoccotribu.blogspot.com"
Nessun commento:
Posta un commento