Staie fermo ncopp’a na riggiola - Da tipi - poesie napoletane di Gioacchino Ruocco

Staie fermo ncopp’a na riggiola

e nun te muove a llà ‘a cchiù ‘e nu mese.

Ma che vuo fa ‘a Maronna, ‘o santo appiso ?

Ormaie so mise sempe cu ‘a stessa posa,

 

ca dice ‘a stessa cosa e nun t’arrienne.

Povera Luisa e chi ce allava

cu stu presutte o cu stu casatiello

senza nzogna e senza pepe.

 

Sperammo c’’a riggiola nun fa crepe

c’hanno bisogna ‘e essere curate!

Si no ce vo’ ‘o paranco pe spustarte

ca ll’arte io nun tengo ‘e traspurtarte.

 

E nu trasloco fatte ‘e chiste juorne

costa paricchie e io nun tengo ‘o riesto.

Si tiene qualche soldo e tu m’’o priesto

te dongo l’interesse, pigliate scuorno!

 

Gioacchino Ruocco

Ostia lido, 25/11/2013         ore 08,30