Pare ‘a Maronna ‘a ‘Ddulurata,

Carmine Lantriceni

Pare ‘a Maronna ‘a ‘Ddulurata,

Pare ‘a Maronna ‘a ‘Ddulurata,

senza delure nun ce sape stà.

Me fa venì  certi scunfirenzie

ca certi juorne ‘un s’accio c’aggia fa.

‘O tiempo passa, ma nun vò passà

me tene fermo appiso a qualche chiuvo

ca si te voglio di addò cercarme

nun saccio manco io che t’aggia dì.

Stongo da ‘o viernarì ‘e Pasca

cu sta passione ‘ncuollo

e tu tu nun ammuollo manco nu suspiro

comme si nun ce fosse pur’io

‘e piere ‘e chesta croce.

E nun ne siente una ‘e tutte chesti vvoce

ca strilleno c’alluccano

vedenno a Cristo ‘ncroce.

Ma tu, tu perza comme si

cu tanta spade mpietto

nun saccio che t’aspietto

‘e chello ca già saie.

Si è overo Ddio risorge comme

ha ditto e se ne torna addò patre suio

si nun è overo io songo nu scunfitto

curnuto e mazziate

ca me sentevo ‘o pate.

Io murarragge ‘e stiente

ma tu comme a Maronna nun t’arrienne.

A me me faie suffrì dint’a stu viento

friddo ‘e tarda primmavera.

Che brutta sera ca m’è priparata.

Tu comme a na madonna addulurata

e io comme si fosse Peppe, ‘o si niscuno.

Quanno é dimane t’appiccio nu lumino.

Te guardo cu ll’uocchie ca me trovo

e aspetto ca se fanno ancora ‘e nove

pe veverme ll’ove d’’a gallina

speranno ‘e campà pe n'atu ppoco.

Gioacchino Ruocco

14.02.018    Ostia Lido