Translate

lunedì 3 novembre 2014

Io e te ?



Io e te ? E quannu maie!
Chi nun se rassumiglia
nun se piglia
punto e basta.
E’ inutile ca frije
tutta sta pasta
pe ne fà zeppole.
E: - Assaggia pure chesta!
E vire quant’è bbona!
E intanto puorte annanze
tutte sta sinfunia
pe te piglià
pure sta vita mia
ca nun t’avasta
‘o tiempo ca te presto,
ca stongo attuorno a te
matina e sera.

Comme se fanno ‘e zeppole?
Cchiù ove tu ce miette
e cchiù se fanno gonfie.
Falle piccerenelle però
ca ‘e grosse po’ se sgonfiano
si ‘o jianco ‘n è sbattuto
comme se ause ‘e fà.
‘A forma sule pell’uocchie,
‘o riesto pe ji addo và
e quanno ‘a crema è crema
vide ‘e 'un t’abbuffà!

Quanno tu vuò fà festa
ogne occasione è bbona.
Basta ca sbatte ll’ove
e ‘un arapì ‘a fenesta
ca dint’’o cavero d’’a casa
allora cresce bbona
‘a pasta e ogne penziero…
Ca si te vene ‘e fà
chillo ch'è fatto aiere
staie frienne ancora
e io sempe a mangià.

Gioacchino Ruocco
Ostia Lido      16/02/2014


Inserita nella raccolta “Suspire ‘e miezejuorno”

Nessun commento:

Posta un commento